Skip to content

Hakuna Uponyaji Pasipo Imani ya Kweli

Roho

Kabla hujapona matatizo yanayokusumbua ponya roho yako kwanza, kabla hujakwenda kwa mchungaji, roho yako inajua kila kitu katika maisha yako.
 
Hakuna uponyaji pasipo imani ya kweli. Giza linapoingia katika maisha yako ongea na Mungu. Halafu ongea na tatizo linalokusumbua. Kama tatizo linalokusumbua ni saratani, iambie saratani iondoke na kamwe isirudi katika mwili wako tena. Baada ya hapo, nenda kwa mchungaji. Jiweke wakfu, kwanza, kabla ya kuombewa.
Advertisements

Mahakama ya Umaskini ni Uchawi

Mahakama

245. Mahakama ya umaskini ni mazingaombwe yanayofanyika katika ulimwengu wa roho kwa sababu, hatuna sheria ya uchawi wala maono. Hata hivyo, hakuna mahakama kama mahakama ya mbinguni.

Mahakama ya umaskini ni uchawi. Uchawi ni mazingaombwe yanayofanyika katika ulimwengu wa roho. Haki haitapatikana gizani, itapatikana nuruni.

 

Uko wapi ubinadamu wa watu?

Tunazaliwa na Kufa

Tunazaliwa na kufa. Lakini hatujui tunakotoka. Wala hatujui tunakokwenda. Huenda tunatoka na kwenda katika dunia nyingine, ya ulimwengu mwingine, hivyo kutufanya wageni wa dunia yetu wenyewe. Acha dunia katika hali nzuri kuliko ulivyoikuta.
 
Kila binadamu hapa duniani ni wa thamani kubwa. Chochote utakachofanya, kizuri au kibaya, kidogo au kikubwa, kitabadilisha maisha ya watu. Ukiwa na msingi mzuri kwa mwanao ataishi vizuri atakapokuwa mkubwa, atakuwa na uwezo mkubwa wa kuacha dunia katika hali nzuri kuliko alivyoikuta. Ukiwa na msingi mbaya kwa mwanao ataishi vibaya atakapokuwa mkubwa, atakuwa na uwezo mdogo wa kuacha dunia katika hali nzuri kuliko alivyoikuta. Kuwa mkarimu kwa mazingira, kuwa mkarimu kwa wanyama, kuwa mkarimu kwa binadamu wenzako, kwa faida ya vizazi vijavyo.
 
Uko wapi ubinadamu wa watu?
 
Ukiwa mgeni katika nyumba ya mtu iache katika hali nzuri kuliko ulivyoikuta. Ukiazima kitu cha mtu kirudishe katika hali nzuri kuliko ulivyokichukua.

Toyota Corolla

Toyota Corolla

Gari jipya la Kiongozi wa Kanda ya Afrika ya Kusini ya Tume ya Dunia Kamishna Profesa Justin Mafuru wa Tanzania – Bosi wa John Murphy – Toyota Corolla, lililotumika kumbeba profesa kutoka Chuo Kikuu cha Dar es Salaam hadi Barabara ya Samora, katika ofisi za Kanda ya Afrika ya Kusini ya Tume ya Dunia ya Kudhibiti Madawa ya Kulevya jijini Dar es Salaam.
 
Mohammed Nafi, Mkurugenzi wa Sekretarieti ya Kanda ya Afrika ya Kusini ya Tume ya Dunia, alikuwa na faksi yenye utata mkubwa kutoka Oslo; iliyomtaka kamishna asafiri usiku huo kwenda Copenhagen kuonana na Kamishna Mkuu wa Tume ya Dunia.
 
Kamishna Profesa Justin Mafuru, profesa wa fizikia wa Chuo Kikuu cha Dar es Salaam na kinara wa mionzi ya gama, ‘gamma rays pioneer’, aliyekuwa akiiwakilisha Tanzania katika shirika la utafiti wa kinyukilia la bara la Ulaya (CERN) nchini Uswisi, alikuwa mlemavu. Mguu wake wa kushoto ulikuwa mwembamba na mfupi kulinganisha na wa kulia, kwa sababu ya ugonjwa wa polio alioupata katika mwongo wa kwanza wa maisha yake akiwa na umri wa miaka saba. Kwa hiyo alitembea akichechemea.
 
“Kamishna … karibu,” alisema Nafi huku akisimama na kutupa gazeti mezani na kuchukua karatasi ya faksi, iliyotumwa.
 
“Ahsante. Kuna nini …”
 
“Kamishna, imekuja faksi kutoka Oslo kama nilivyokueleza – katika simu. Inakutaka haraka, kesho, lazima kesho, kuwahi kikao Alhamisi mjini Copenhagen,” alisema Nafi huku akimpa kamishna karatasi ya faksi.
 
“Mjini Copenhagen!” alisema kamishna kwa kutoamini.
 
“Ndiyo, kamishna … Sidhani kama kuna jambo la hatari lakini.”
 
“Nafi, nini kimetokea!”
 
“Kamishna … sijui. Kwa kweli sijui. Ilipofika, hii faksi, kitu cha kwanza niliongea na watu wa WIS kupata uthibitisho wao. Nao hawajui. Huenda ni mauaji ya jana ya Meksiko. Hii ni siri kubwa ya tume kamishna, na ndiyo maana Oslo wakaingilia kati.”
 
“Ndiyo. Kila mtu ameyasikia mauaji ya Meksiko. Ni mabaya. Kinachonishangaza ni kwamba, jana niliongea na makamu … kuhusu mabadiliko ya katiba ya WODEA. Hakunambia chochote kuhusu mkutano wa kesho!”
 
“Kamishna, nakusihi kuwa makini. Dalili zinaonyesha hali si nzuri hata kidogo. Hawa ni wadhalimu tu … wa madawa ya kulevya.”
 
“Vyema!” alijibu kamishna kwa jeuri na hasira. Halafu akaendelea, “Kuna cha ziada?”
 
“Ijumaa, kama tulivyoongea wiki iliyopita, nasafiri kwenda Afrika Kusini.”
 
“Kikao kinafanyika Alhamisi, Nafi, huwezi kusafiri Ijumaa …”
 
“Binti yangu atafukuzwa shule, kam …”
 
“Nafi, ongea na chuo … wambie umepata dharura utaondoka Jumatatu; utawaona Jumanne … Fuata maadili ya kazi tafadhali. Safari yako si muhimu hivyo kulinganisha na tume!”
 
“Sawa! Profesa. Niwie radhi, nimekuelewa, samahani sana. Samahani sana.”
 
Kwa nini Mohammed Nafi alitaka kusafiri kwenda Afrika Kusini wakati akitoa taarifa za kikao cha dhararu kwa Justin Mafuru? Pata jawabu la swali hilo hapa:
 

Tafuta Nafasi Katika Nchi Yako

Tafuta Nafasi

Tupo watu takriban bilioni saba katika dunia hii. Kila mtu ni wa kipekee. Mathalani, wewe ni tofauti na baba yako au mama yako au mtu mwingine yeyote yule. Kila mtu aliumbwa kivyake na Mwenyezi Mungu. Kila mtu ana nafasi ya kwake mwenyewe aliyopangiwa na Mungu hapa duniani.
 
Haijalishi wewe ni mwanamke au mwanamume, mweupe au mweusi, mfupi au mrefu, mzuri au mbaya, una nafasi katika nchi na dunia hii. Unachotakiwa kufanya ni kuamka, kufumbua macho na kuujua ukweli.
 
Tafuta maarifa katika Biblia kama wewe ni Mkristo. Tafuta maarifa katika Kurani kama wewe ni Mwislamu. Tafuta maarifa katika Yoga kama wewe haumwamini Mungu. Ukishaamka na kuujua ukweli, ukishapata nafasi katika nchi yako, kuwa kiongozi na mkarimu kwa wenzako.
 
Jifunze kutoka kwa wengine ndani na nje ya tasnia yako. Usiwe mchoyo wa maarifa. Kuwa mwadilifu. Ukifanya hivyo utafanikiwa zaidi, utaipa heshima tasnia yako, na utaacha alama katika dunia baada ya kuondoka.
 
Kuacha alama katika dunia si lazima upate nafasi katika dunia. Kuacha alama katika dunia acha alama katika nchi yako.
 
Maarifa unayoyatafuta katika Biblia, Kurani au Yoga (‘Oriental Yoga’: ‘esoteric knowledge’: maarifa ya kujua siri ya uumbaji wa Mungu ya ‘Kabbalah’ ya Kiyahudi au ‘Kalachakra’ ya Kibudha ya bara la Asia; siri ya sayansi ya kurefusha maisha ya mafundisho ya kiroho ya ‘Arcanum’ ya Misri, ijulikanayo pia kama Kemia ya Mungu au ‘Alchemy’; mafundisho ya kiroho ya ‘Rosicrucia’ ya bara la Ulaya tangu mwishoni mwa karne ya kumi na nne; ‘sex magic’, ‘sex magic’ inaweza kukupa utajiri au umaskini hivyo kuwa makini; n.k.) ni hekima na busara. Vingine vyote vitajileta vyenyewe.
 
‘Kabbalah’ ni sayansi ya Mti wa Uzima wa Milele wa Bustani ya Edeni au ‘The Tree of Life of the Garden of Eden’ katika mbingu ya nne, ambayo ni ramani ya ulimwengu na roho ya mwanadamu; au Sayansi ya Mungu, uchawi wa kujua 99% ya siri ya uumbaji wa Mungu.
 
Tafuta kitu cha kufanya katika maisha yako unachokiamini zaidi kuliko pesa, kutoa sauti kwa ajili ya watu wasioweza kusikika kwa mfano, na ukishakipata kuwa kiongozi na mkarimu kwa wengine.
 
Kutoa sauti kwa ajili ya watu wasioweza kusikika inaweza kuwa ndiyo nafasi yako uliyopangiwa na Mungu uitumie kwa manufaa ya wengine, si kwa manufaa yako, nafasi za wengine zitatumika kwa manufaa yako.
 
Kuna vitu vingi ambavyo mtu anaweza kufanya; chagua kimoja kinacholeta maana zaidi katika maisha yako na ukifanye hicho, kwa nguvu zako zote.

Maabara ya Methi

Maabara

Maabara ya kutengenezea madawa hatari ya kulevya kuliko yote duniani yaitwayo methamfetamini au hielo. Mwaka 2013 wale wanawake wawili wa Kitanzania waliokamatwa nchini Afrika Kusini kwa tuhuma za kusafirisha methamfetamini, hawakuwa na methamfetamini, walikuwa na dawa inayotumika kutengeneza methamfetamini.
 
Methamfetamini (methi) huweza kutengenezwa nyumbani. Mbolea ya amonia (‘ammonium fertilizer’ ), na lithi (‘lithium’), kutoka ndani ya betri za kawaida kwa mfano, huwekwa ndani ya chupa ya kawaida ya soda na kuifunika. Kemikali zinapofanya kazi hutoa si tu methi, lakini pia fukizo (‘fumes’); lakini ambazo zina uwezo wa kulipuka.
 
Hielo ni tofauti na kokeini kwa sababu inaunguza. Humfanya mtumiaji ajisikie raha ya kupindukia, nguvu, na makini! Mtumiaji huweza kukaa kwa saa ishirini na nne kwa siku bila lepe la usingizi, anaweza kufanya kazi kwa wiki nzima au wiki mbili bila kupumzika.
 
Methi huvutwa kwa kutumia buruma (‘pipe’) inayomlewesha mtumiaji kwa haraka na vizuri zaidi.
 
Matokeo mabaya ya baadaye ya utumiaji wa madawa haya ya ajabu ni pamoja na matatizo makubwa ya afya ya akili, na ukosefu kabisa wa hamu ya kula na kulala. Unaweza kujisikia kama vile unataka kuurarua uso wako wote! Kujikinga na dalili za namna hiyo, waathirika hulazimika kuvuta hielo zaidi.
 
Kukosa usingizi ni kubaya. Ukizidi kukaa kwa muda mrefu bila kulala, mwishowe utaugua ugonjwa unaitwa ‘matatizo ya akili ya wasiwasi’ (‘severe paranoid psychosis’).
 
Kama shumuya (heroini), ukitumia hielo utajisikia raha ya kupindukia. Raha unayoipata kwa kukuvuta hielo ni zaidi ya asilimia 1200 ya raha unayoipata kwa kuvuta bangi, heroini na kokeini kwa pamoja.
 
Kwa kawaida watu huanza kuvuta hielo baada tu ya saa sita za usiku, muda ambao watu wengi wamelala. Ukishavuta, au kujidunga, utataka buruma nyingine, utataka tena kujidunga. Kisha utafanya mambo ya ajabu kama kusafisha nyumba hadi asubuhi.
 
Dozi kubwa ya hielo huweza kusababisha kiharusi, maruweruwe, ugonjwa wa moyo, na hata kifo.
 

Kusafisha Kuanzia Ndani Kuja Nje Ndilo Jibu la Matatizo ya Nje

Madaktari

244. Madaktari wa duniani hutibu matokeo ya ugonjwa. Lakini Yesu hutibu chanzo. Hivyo Yesu ndilo jibu la matatizo ya duniani. Anasafisha kuanzia ndani kuja nje. Kusafisha kuanzia ndani kuja nje ndilo jibu la matatizo ya nje.

Tunapojifunza na kulipokea Neno la Mungu tunakuwa karibu na yule anayeweza kutupa maarifa na nguvu ya kupambana na adui yeyote wa kiroho. Maana Neno la Mumgu li hai, tena lina nguvu, tena lina ukali kuliko upanga uwao wote ukatao kuwili, tena lachoma hata kuzigawanya nafsi na roho, na viungo na mafuta yaliyomo ndani yake; tena li jepesi kuyatambua mawazo na makusudi ya moyo (Waebrania 4:12).

Yesu Kristo huponya kwa kutumia tiba ya Neno la Mungu na tiba hiyo ni ya milele! Hutaweza kwenda mbinguni bila viza, hutaweza kuponya au kupona bila Neno la Mungu, na hakuna Mungu bila Yesu. Yesu, kaka yetu mkubwa, ni viza ya kwenda mbinguni.

Boti Katika Bahari ya Baltiki

Boti

Boti ya kahawia ya mvuvi wa Kideni iliyotumiwa na Frederik Mogens na Radia Hosni kuwafuatilia majambazi wa Kolonia Santita, waliokuwa wamemteka nyara Daniel Yehuda, kuanzia Kangelunden mpaka Dragør mpaka Saltholm, kilometa nne au tano kutoka Copenhagen.
 
Bila boti ya mvuvi wa Kideni katika Bahari ya Baltiki aliyekuwa akitoka katika safari zake za uvuvi siku ile usiku, Mpelelezi wa Tume ya Dunia Daniel Yehuda angeuwawa kinyama katika kisiwa cha Saltholm. Si yeye tu. Hata Radia Hosni angeuwawa kinyama, baadaye, katika hoteli ya D’Angleterre.
 
Vijana wa Tume, Radia Hosni na Frederik Mogens, walipotoka katika Msitu wa Mfalme wa Kangelunden, huku wakipigwa sana na baridi, waliondoka na boti mpaka Saltholm (katikati ya Swideni na Denmaki katika Ukanda wa Bahari wa Øresund) ambapo Mungu aliwasaidia wakamwokoa mwenzao. Kwa sababu hiyo, kwa sababu ya wokovu huo, Radia Hosni aliokolewa pia.

Shetani Anaweza Kukudanganya kwa Kukwambia Ombeni Bila Kukoma

Shetani

Shetani anaweza kukudanganya kwa kukuambia ombeni bila kukoma, wewe ukakesha kuomba na kesho ukaendesha gari lako kuelekea kazini ambako una kikao cha muhimu hali kadhalika. Ukifika kazini unasinzia kwenye kikao unaonekana teja, kumbe ni kazi ya Ibilisi. Tujifunze namna ya kuzipima roho, si kila roho inatoka kwa Mungu.
 
Shetani ana mbinu nyingi za kuwateka wana wa Mungu. Mwanzo sura ya tatu inaonyesha jinsi Hawa alivyoona tunda linang’aa na akazama kwenye tunda pasipokujua kuna mauti ndani yake. Shetani anaangalia kipengele unachokitumia kuchukua maamuzi magumu naye anavaa jezi kama ya kwako ili usimgundue. Roho Mtakatifu akiwa anakuongoza, penye hila nafsi yako itakuongoza.

Shirika la Aya Duniani (WHO)

WHO

Shirika la Afya Duniani WHO, kwa kushirikiana na Mamlaka ya Kudhibiti Madawa ya Kulevya na Ugaidi wa Kimataifa Duniani WODEA, lilikuwa katika kitabu cha KOLONIA SANTITA mwajiri mpya wa Sophia Dickson Kaswiga (mchumba wa John Murphy) kutoka katika Benki ya Taifa ya Biashara ya NBC ya Tanzania, linashirikiana na shirika la WODEA kutetea afya na amani ya dunia nzima.
 
Mwezi mmoja baada ya kurejea nyumbani kutoka Meksiko, Murphy alimpeleka Sophia mjini Oslo nchini Norwe kwa mara ya kwanza kusaini mkataba wa siri na kula kiapo cha EAC. Kwa sababu hiyo, Murphy alipewa likizo nyingine ya mwezi kudumisha uhusiano wake mpya.
 
Sophia aliingizwa katika programu ya miezi mitatu ya uchunguzi wa kila kipengele cha maisha yake, na alishauriwa kuchukua kozi maalumu ya jinsi ya kuishi na mwanachama wa EAC.
 
Walivyorudi Tanzania maisha ya Sophia yalibadilika kabisa. Aliacha kazi NBC na kuajiriwa na Shirika la Afya Duniani WHO. Alipata maarifa mapya. Mtazamo wake wa dunia ulibadilika. Alilazimika kupunguza marafiki kutokana na programu za EAC, na alijisikia raha kuwa mchumba wa mpelelezi maarufu duniani John Murphy Ambilikile.